Amministrazzjoni

It-tmexxija tas-Soċjetà Filarmonika La Stella taqa’ taħt ir-responsabilità tal- kumitat ċentrali. Il-kumitat, filwaqt li huwa marbut bl-istatut tas-Soċjetà, dejjem iżomm quddiem għajnejh il-ġid tal-festa, s-soċi u l-Gudjani. Il-kumitat ċentrali jiġi elett permezz ta’ elezzjoni minn fost is-soċi u jkun magħmul minn mhux anqas minn ħdax-il membru effettiv li jinkludi wieħed elett waqt seduta ġenerali annwali tal-bandisti (mill-bandisti). Is-Surmast tal-Banda, d-Diretturi Spiritwali tas-Soċjetà u l-Osservatur tal-Fratellanza huma wkoll membri onorarji tal-kumitat iżda ma għandhomx vot. Il-membri eletti jaħtru minn fosthom il-karigi eżekuttivi li jinkludu dik ta’ President, Segretarju u Kaxxier. It- tqassim tal-kariga l-oħra jiġu magħżula u maqbula mill-istess membri eletti fl- ewwel laqgħa tal-kumitat.

Kull soċju jista’ jikkontesta l-elezzjoni għall-membru tal-kumitat u dan jista’ jsir billi jimtlew l-applikazzjonijiet apposta li jinħarġu ftit qabel is-seduta ġenerali annwali. Madanakollu, dawk kollha li jikkontestaw irid ikollhom il-ħlas tat- tessera annwali tagħhom aġġornata.